Конститутивна седница на Советот на Oпштина Куманово

Советот на Општина Куманово во четврток ќе ја одржи првата – конститутивна седница во нов состав по локалните избори.

Советот прво треба да ги избере претседателот и членовите на Комисија за верификација на мандатите на членовите на Советот на Општина Куманово, а потоа да се верификуваат мандатите на советниците и давање на свечена изјава. Потоа ќе следува избор на претседател на Советот.

Дневен ред:

1. Избор на претседател и членови на Верификационата комисија за верификација на мандатите на членовите на Советот на Општина Куманово;

2. Верификација на мандатите на членовите на Советот на Општина Куманово;

Извештај на Верификационата комисија;

Предлог – Одлука за верификација на мандатите на членовите на Советот на Општина Куманово;

Давање и потпишување на свечена изјава на членовите на Советот на Општина Куманово;

3. Избор на претседател и членови на Комисијата за мандатни прашања, избори и именувања на Советот на Општина Куманово;

4. Избор на претседател на Советот на Општина Куманово;

5. Предлог-Решение за определување на членови на Советот на Општината Куманово, кои ќе учествуваат при склучување на бракови во Општината Куманово.

Советот го сочинуваат 33 советници, 16 од коалицијата на СДСМ, 11 од коалицијата на ВМРО-ДПМНЕ, од ДУИ 3, од Беса 2 и еден од Алијансата на Албанците.

      Седницата ќе се одржи во кружната сала на зградата на поранешните општествено - политички организации, со почеток во 12 часот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk