Зачленете се во нашиот клуб на читатели и најновите текстови ќе ги добивате на вашата мејл адреса
Повеќе од пет месеци „Краста“ гори, а чадот и смрдеата ги трпат граѓаните на Пчиња, Студена Бара и другите околни населени места. И додека граѓаните се гушат во чад, од 1 јули плаќаат 30% поскапа услуга за собирање и транспортирање на отпадот, велат од СДСМ.
Претседателот на Општинската организација на СДСМ Куманово, Дарко Ристовски, го прашува градоначалникот Максим Димитриевски, како може цената да се зголеми за 30 отсто, а проблемот со отпадот да остане ист.
„Куманово и понатаму има отпад по населбите, недоволна механизација, а „Краста“ гори со месеци. Од донираните пет возила, само едно е за собирање отпад, додека останатите се придружна механизација. Ова не е решение. Ова е само приказна за граѓаните додека плаќаат поскапа услуга. Димитриевски должи одговор: каде е планот за „Краста“, кој ќе го реши проблемот и кога? Но, одговорност има и владејачката коалиција на централно ниво. Имаат власт, имаат институции и имаат обврска да помогнат. Куманово не смее да биде оставено само да се справува со депонија која гори со месеци“, вели Ристовски.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk