Зачленете се во нашиот клуб на читатели и најновите текстови ќе ги добивате на вашата мејл адреса
Ново современо возило за чистење на снег со придружна опрема и со вредност од три милиони денари е набавено за Јавното претпријатие „Комуналец“ од Крива Паланка, со што ќе се подобрат услугите за зимско одржување на подрачјето на целата општина.
Средствата се обезбедени преку проектот „Безбеден сообраќај во зимски услови во Општина Крива Паланка” , со грант од Бирото за регионален развој и Министерството за локална самоуправа, во рамки на програмата за намалување на диспаритети помеѓу планските региони.
„Возилото и во останатите периоди од годината ќе може да се интегрира во работењето на претпријатието, со цел активно и навремено извршување на услугите за граѓаните“, велат од општината.
Со ова возило ќе се докомплетира возниот парк на Јавното комунално претпријатие, кое располага со 6 возила за смет, од кои четири се нови, 2 камиони, 2 скипа и 1 трактор, а ова ново возило ќе биде 12-то во возниот парк.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk