Зачленете се во нашиот клуб на читатели и најновите текстови ќе ги добивате на вашата мејл адреса
Денеска кривопаланчани го чествуваат големиот христијански празник посветен на заштитникот на градот „Свети Јоаким Осоговски“.
По тој повод во Осоговскиот манастир, посветен на овој пустиножител, присуствуваат голем број на верници и гости од земјата и странство, кои се поклонуваат пред моштите на светецот.
На утринската богослужба и света архиерејска литургија, со сечење на славскиот колач и водосвет, присуствуваше и претседателот на Македонија, Стево Пендаровски, кој им го честиташе празникот на православните христијани.
И оваа година Крива Паланка беше средиште на голем број гости по повод празниците поврзани со „Успение на Пресвета Богородица“ и патронот „Свети Јоаким Осоговски“. Беа одржани бројни свечености, пуштање на повеќе објекти во употреба, придружени богата културно-забавна програма.
Во изминатите денови на Градскиот плоштад беше одржан Меѓународниот фолклорен фестивал „Свети Јоаким Осоговски“ и традиционалниот Joy фест на кој настапија Каролина Гочева, Бени и Нон Стоп и Брас Брадерс“, а посебна вечер од фестивалските денови беше 28 август, во чест на Денот на рударите , на која настапија Црвена јабука, Аца Лукас и Нокаут.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk