Крпен живот

Македонските граѓани секој ден се се` посиромашни, а трпезата се потенка. Новите поскапувања ќе остават многу луѓе гладни.

 За само неколку дена граѓаните доживеаја неколку ценовни шокови. Лебот се продава поскапо, а се очекува да се зголемат и цените на млекото и млечните производи.

И малопродажната цена на бензините се зголеми за 2,5 денари за литар, додека дизелот и екстралесното гориво поскапеа за два денари. За 5,48 отсто поскапе и струјата, што според експертите може да предизвика нов раст на цените.

Граѓаните се исплашени од новонастаната состојба, а сведоци сме  дека секојдневно се поголем број на луѓе ги пребаруваат контејнерите. Сите се прашуваат до кога цените на основните животни намирници ќе се зголемуваат, а платите и пензиите ќе стојат на истото ниво?

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk