Зачленете се во нашиот клуб на читатели и најновите текстови ќе ги добивате на вашата мејл адреса
Од Секторот за образование во Општина Куманово негираат дека вчера во училиштата пристигнале околу 70 проценти од заменските наставници, кои треба да почнат со работа во училиштата на местата на оние кои штрајкуваат.
Наместо 1350 луѓе, колку што барале од Општината Куманово, од Агенцијата пратиле педесетина луѓе без никакви документи од каде доаѓаат.
Агенцијата за вработување до училиштата нема испратено официјално писмено известување кои наставници ќе ги ангажира. Тие што вчера дошле во училиштата се претставиле како заменски наставници,а притоа немале никаков доказ дека се пратени од Агенцијата. Од понеделник ако ги достават списоците директорите ќе ги примат и лицата ќе бидат тестирани. Оние што ќе ги исполнат условите пропишани со закон ќе бидат ангажирани. Додека не добиеме писмено известување нема никого да примиме, - вели Жико Крстевски в.д. раководител во Секторот за образование.
Тој се надева дека ќе се подобри комуникацијата помеѓу училиштата и Агенцијата за вработување и ќе се одвива согласно законите на оваа дејност.
Од општината Куманово уште пред почетокот на штрајкот тврдеа дека во Агенцијата за вработување нема толкав број на просветни работници, кои можат да бидат ангажирани како заменски наставници. Покрај Куманово, и општината Липково чека околу 300 заменски наставници.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk