Крводарителска акција во кумановската полиција

Над 50 единици крв беа собрани во акцијата што денеска се одржа во СВР Куманово. Вработените во кумановската полиција велат дека секогаш се подготвени да ја покажат својата хуманост на дело.

Како што гледате и денеска се собравме овдека во организација на Отсек за превенција. Сега за сега акцијата оди одлично прва е во оваа година, а планираме уште две. Се надеваме дека до крајот на денот колегите ќе покажат поголема хуманост и со тоа ќе спасиме повеќе човечки животи - изјави Марјан Павличек од Отсекот за превенција.

Дваесет и четири пати имам до сега дадено крв. Учествував и на други акции 18 години давам крв. За мене е хумано е да се дава крв,- вели Зоран Чандевски, полициски службеник.

Од Институтот за трансфузиона медицина велат дека покрај Велес, Куманово е еден од градовите каде што се собираат најмногу крв. Тоа се должи на големиот број на институции кои се вклучуваат во вакви акции и 20 % од средношколците барем еднаш имале дадено крв.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk