„Куферко, светскиот патник од Македонија“, премиерно во Центарот за култура

Во Центарот за култура „Трајко Прокопиев“, вечерва во 18 часот, премиерно ќе биде изведена детската претстава „Куферко, светскиот патник од Македонија“, во режија на Трајко Јордановски.

Претставата е направена врз основа на истоимената драма од авторката Симона Ристевска, која планира уште изданија и продолжување на приказната за Куферко.

Актерскиот тим се состои од Билјана Дабеска, Емине Халил, Борко Биџовски, Стефанија Начевска, Симона Јовчевска, Агим Бафтии и Маја Стојанова како наратор.

Сценографијата е на Бојан Бранѓолица, за костимографијата Катерина Митева Бошковска, а за шминката Златица Поповска.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk