Зачленете се во нашиот клуб на читатели и најновите текстови ќе ги добивате на вашата мејл адреса
Театар Куманово, денеска, по повод Светскиот ден на театар (27 март), на својот јутуб канал бесплатно ќе ја постави култната престава „Game over“, чија прва премиера беше во јануари 1993 година.
Преставата „Game Over“ e работена според текстот „Парите се отепувачка“ на Ристо Крле, а музиката е на Венко Серафимов.
Сашо Тодоровски, директорот на Центарот за култура „Трајко Прокопиев“ од Куманово, вели дека станува збор за култна претстава, во којашто ќе може да ужива и повозрасната публика.
- Бидејќи не можеме да играме во театар, ќе ја пуштиме онлајн култната претстава „Game over“. Битно е да напоменеме дека тоа е прва модернистичка претстава во нашата држава којaшто има над 60 изведби на фестивали во Македонија и надвор од нашите граници. Апсолутен победник на Војдан Чернодрински во Прилеп 93-та година, најдобра претства во целина, од режија, актерско остварување, па сѐ до музика,-додава директорот Тодоровски.
Актерската екипа е составена од актерите: Љубица Бојкович, Вера Ристовска, Горан Илиќ и Митко Апостоловски.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk