Зачленете се во нашиот клуб на читатели и најновите текстови ќе ги добивате на вашата мејл адреса
Мал број на граѓани изнеле кабаст отпад на пунктовите кои ги одреди ЈП „Чистота и зеленило“.
На локацијата на улицата „Тоде Мендол“ е соберен празен контејнер - што значи дека никој не исфрлил ништо од дома, а на другите 3 локации имало мал број на соберен смет.
„Граѓаните имаа исклучителна можност бесплатно да исфрлат се што им е непотребно во домовите, а не ја искористија. Сега повторно ќе наоѓаме покрај контејнерите и на улиците, ќе имаме дополнителна работа да го собереме кабастиот отпад во возила несоодветни за таа намена, или да ангажираме приколки за таа намена. Но тоа е наша обврска, но апелирам до кумановци да ги искористат можностите кои им ги даваме преку вакви акции. Само зеднички, со еколкошки освестени сограѓани, кои го селектираат комуналниот од кабастиот отпад и наша работа можеме да имаме чист и уреден град“, потенцираше директорот Ненад Стојановски.
Отпадот се собираше на паркинг просторот кај Пожарна станица, кај Градскиот базен, на локалитетот „Кошеви“ во населбата „Гоце Делчев“ и во населбата „Тоде Мендол“ кај место викано „Бараки“, во сабота периодот од 7 до 17 часот.
Тој сепак нагласува дека нема да застанат тука, за многу скоро време, следниот месец повторно ќе организираат вакви акции.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk