Зачленете се во нашиот клуб на читатели и најновите текстови ќе ги добивате на вашата мејл адреса
Само еден донатор од Куманово се јавил за акцијата “Се грижиме за топол дом“ и се понудил да донира облека за социјално загрозените.
Од Министерството за труд и социјална политика информираат дека има 65 баратели на помош од Куманово, а досега ниту една донација не е реализирана бидејќи со општината сеуште не е склучен меморандум за соработка.
Акцијата “Се грижиме за топол дом“ ја спроведува ресорното министерство во соработка со општините и Црвен Крст со цел социјалците да добијат мебел, покуќнина, бела техника, облека, опрема за деца која ќе можат да ја користат. Донациите ќе бидат наменети за лицата кои се евидентирани во Центрите за социјална работа и примаат парична помош од државата.
Граѓаните кои ќе добијат донација, во следните три години немаат право на ваква помош.
Оние кои сакаат да донираат или да добијат помош треба да се јават не бесплатниот телефонски број 0800 55 800.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk