Зачленете се во нашиот клуб на читатели и најновите текстови ќе ги добивате на вашата мејл адреса
Седуммина кумановци, членови на општинската организација на ГРОМ, избрани се во централните тела на партијата на Второто изборно собрание што викендов се одржа во Скопје.
Виктор Цветковски, Зоран Петрушевски, Горан Јовановиќ, Марјан Каранфиловиќ, Марија Цакиќ, Марта Цветковска и Ивица Андоновски, во наредните четири години ќе бидат дел од Централниот одбор на ГРОМ.
За претседател на ГРОМ со акламација е избран досегашниот претседател Стевчо Јакимовски.
„Добиената доверба од делегатите е признание за огромниот придонес, кој лично го имаше во основањето и зацврстувањето на позицијата на ГРОМ на политичката сцена во Македонија и придонесот на ГРОМ во победата на Коалицијата „За Македонија заедно“ на предвремените парламентарни избори, - изјави Емилија Арсиќ на прес-конференција во Куманово.
На Собранието на ГРОМ беше усвоен и Извештајот меѓу двете собранија за работата на ГРОМ, кој беше презентиран од Генералниот секретар на ГРОМ, Виктор Цветковски и беше избран Централен и надзорен одбор.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk