Зачленете се во нашиот клуб на читатели и најновите текстови ќе ги добивате на вашата мејл адреса
Основното јавно обвинителство Куманово донесе наредба за спроведување на истражна постапка против едно 25-годишно лице поради основано сомнение дека сторило кривично дело – неовластено производство и пуштање во промет на наркотични дроги, психотропни супстанции и прекурсори.
Како што соопшти Обвинителството, осомничениот на 18 февруари во својот дом неовластено заради продажба држел наркотична дрога марихуана со вкупна нето маса од 108,66 грама спакувана во повеќе различни пакувања. При претресот биле пронајдени и една дробилка со остатоци од марихуана и една дигитална вага за мерење.
Ценејќи ги сите околности во предметот и здравствената состојба на осомничениот, надлежниот јавен обвинител до Основниот суд Куманово достави предлог за определување мерка куќен притвор за осомниченото лице.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk