Кумановец паднал во бунар длабок 15 метри, го извадиле пожарникарите

12.08.2024 13:30 | KumanovoNews

Маж на возраст над 60 години вчера паднал во бунар со вода во кумановската населба Карпош.  Несреќата се случила околу 13 часот, по што интервенирала Територијалната противпожарна едница од Куманово.

Кумановец паднал во бунар длабок 15 метри, го извадиле пожарникарите

„Се работи за бунар со длабочина од 15 метри, а водата има околу 5 метри. Со скали, јажиња, спасувачки појаси и друга опрема успеавме да го извлечеме човекот. Станува збор за повозрасно машко лице, на 60 до 70 годишна возраст, извлечен е во добра здравствена состојба и предаден на службата на Итна медицинска помош“, објасни Сашо Илиевски, командир на смена на ТППЕ Куманово.

Загрозенотот лице било истоштено, промрзнато од студената вода, видно вонемирено, но без посериозни повреди. Немаа информација како паднал во бунарот.

Акцијата за спасување траела 50-тина минути, а учествувале четворица пожарникари со едно возило.

Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk