Кумановка мамела скопјани дека ќе ги прати во Авганистан

Е.Д (27) од Куманово измамила пет лица од Скопје дека ќе им помогне да заминат на работа во Авганистан, при што им одзела 800 евра и 250 долари.

А.Д (30), Г.И (35), З.Л (28), К.Н (34) и уште едно лице, наседнале на празните ветувања на кумановката и ги дале парите и личните документи, верувајќи  дека ќе се сретнат со американски регрутер, кој ќе им обезбеди сигурна работа во американските бази.

Измамничката ги собрала парите и ја снемало.

Откако не исполнила ништо од ветеното и станала недостапна на телефон, несудените „авганистанци„ увиделе дека се измамени и ја пријавиле во полиција.

По предходен договор, кандидатите требало откако ќе заминат на работа во Авганистан да и исплатат уште по 3000 долари од првата плата.

Таа е уапсена под сомнение дека извршила кривично дело измама во пет наврати. Посредничката е познат сторител на кражби.

Пред неколку месеци неколку кумановци открија дека се измамени од кумановец и девојка од Скопје, кои порано работеле во Авганистан. Тие за 600 долари им ветиле вработување, а откако ги излажале не сакале да им ги врата парите.

Измамените неможат да побараат помош од полицијата, бидејќи немаат доказ дека ги дале парите.     

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk