Кумановка меѓу најдобрите на државна матура по македонски јазик

Ива Николовска од кумановската гимназија „Гоце Делчев“ е една од трите ученички, кои постигнале најдобри резултати на државната матура по македонски јазик, според резултатите од Државниот испитен центар. 

Ива вели дека ова признание ѝ носи лична сатисфакција, огромно задоволство за неа и за најблиските.

- Се докажа дека целиот труд е вреднуван, a oсобено со овој пласман дефинитивно се решени дилемите дека треба да се вложува во своето знаење. Пред сѐ би сакала да изразам голема благодарност за неизмерната поддршка и безбројните упатства од страна на родителите и професорите, - изјави Ива за порталот Факултети.мк.

Таа, има огромна желба да биде докторка, конкурирала на Медицинскиот факултет при УКИМ и е во исчекување на резултатите.

 Покрај Ина, на листата со најдобрите на македонски наставен јазик се двете соученички Маја Митреска и Мартина Петровска од средното училиште „Св. Климент Охридски“ од Охрид.

                                                                            (фото. ФБ)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk