Куманово ќе добие Retail park

Започнува со изградба првиот Ритеил (малопродажен) парк во Куманово.

Со вкупна површина од 35.000 м2 на купувачите ќе им бидат на располагање веќе познатите домашни и странски модни брендови, трговски ланци за храна, техничка стока, покуќнина и мебел, по примерот на европските градови.

Вториот Retail Park во нашата држава ќе биде пуштен во употреба до крајот на годината. Eсклузивен застапник за изнајмување е домашната компанија Cushman and Wakefield/Fortonmka.

Паркот се наоѓа покрај автопатот Е-75, на влез-излез од Куманово, на местото на некогашната Винарија. Позициониран е на идеална локација наспроти влезот во Куманово кај бензинската пумпа.

Локацијата му овозможува да биде достапен за локалното население, како и за патниците кон северниот и јужниот сосед.

На површина од 35.000 м2 купувачите ќе ги сретнат веќе познатите модни брендови, хипермаркет, трговски ланци за уреди за домаќинство и продавници за покуќнина и мебел. Закуп на продажен простор веќе потврдија добропознатите брендови, а интересот за паркот е одличен.

За целосно заокружен комфор при купувањето, малпродажниот комплекс ќе има свој сопствен паркинг простор за автомобили и автобуси, со лесна пристапност и движење при пристигнување и заминување.

„Овој проект е oдговор на барањето на жителите на Куманово и околината за модерен простор за пазарување, со најбараните брендови организирани во една целина„ - изјави Катарина Николов, раководител на секторот за малопродажба во Cushman and Wakefield/Fortonmka.

Retail паркот е инвестиција на локална компанија (Топ Драјвер).

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk