Куманово ќе се вклучи во “Македонија без отпад“

Општина Куманово утре ќе се вклучи во акцијата “Македонија без отпад“ која ја организираат Министерството за животна средина и Асоцијацијата “Ајде Македонија“.

По тој повод општината ќе реализира акција за механичко чистење на речното корито на реката Кумановка.

“Ќе извршиме механичко чистење на реката Кумановка, зафаќајќи ги реките Липковка и Којнарка. Отпадот што е складиран непрописно во речните корита ќе биде отстранет и однесен на соодветно место за депонирање“ - изјави Бобан Бојковски, овластен инспектор за животна средина во општина Куманово.

Сите основни и средни училишта во градот утре ќе организираат акции за чистење на училниците и дворовите.

Целта на акцијата “Македонија без отпад“ е граѓаните и сите засегнати групи, организирано и што по масовно да се вклучат, за да ја исчистат својата околината од отпадот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk