Зачленете се во нашиот клуб на читатели и најновите текстови ќе ги добивате на вашата мејл адреса
Куманово и Липково, добија сертификати „Општина без дискриминација„ за несебично залагање во промоцијата и спроведувањето на Законот за спречување и заштита од дискриминација.
Признанието е резултат на преземените мерки за јакнење на капацитетите на локалните заедници, општините и граѓанските организации за поефикасно спроведување на законот, како и за поттикнување на граѓаните, особено припадниците на маргинализираните групи како да дејствуваат против дискриминација и како да се заштитат.
Во изминатата година со поддршка на локалната администрација и невладиниот сектор беа спроведени обуки за општинските советници, за вработените во локалните институции, за граѓанските организации, полицијата, медиумите, како и образовните и здравствените институции, а усвоени се и планови за дејствување за подигнување на јавната свест на граѓаните за поголема информираност и заштита од дискриминација.
Признанието го прими секретарот на Општината, Валентина Алексовска.
Сертификати „Општина без дискриминација„ добија и општините Струга, Охрид, Теарце, Дебар, Битола и Струмица.
Проектот е поддржан со средства од Европската унија, а реализиран со помош на Британскиот совет во Македонија и граѓанскиот сектор.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk