Куманово ќе уплати 1 милион денари за помош на настраданите од земјотресот во Турција и Сирија

Советот на Општина Куманово денеска на вонредна седница одлучи да додели 1 милион денари помош за настраданото население од катастрофалниот земјотрес во Турција и Сирија. Одлуката е донесена едногласно од присутните 27 советници. 

„Средствата се од Буџетот на Општина Куманово за 2023 година, од ставката тековни резерви. Средствата во износ од 1.000.000 денари ќе бидат распоредени по 500.000 денари на двете држави“, стои во предлог- одлуката до Советот.

Општината Куманово веќе воспоставила контакт со дипломатските претставништва и парите ќе бидат уплатени на сметките кои што ќе им бидат доставени, откако одлуката ќе излезе во Службен гласник. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk