Зачленете се во нашиот клуб на читатели и најновите текстови ќе ги добивате на вашата мејл адреса
До крајот на годината ќе се постави монтажна катна гаража на паркингот пред Центарот за култура „Трајко Прокопиев„ во Куманово.
Градоначалникот Максим Димитриевски извести дека веќе е избран изведувачот на градежните работи, а договорот треба да се потпише во наредниот период.
- Моите очекувања се дека некаде до крајот на годината ние ќе ја имаме реализацијата на првата катна гаража, монтажна катна гаража во форма на урбана опрема во централното градско подрачје пред Центарот за култура. Изведувачот којшто ја има добиено оваа работа час поскоро треба да ги заврши градежните работи за да можеме сите ние да ја користиме, а секако обврската на општината останува да плати за услугата, - изјави Димитриевски.
Катната гаража кај Центарот за култура е една од трите гаражи, кои ги вети градоначалникот на граѓаните. Останатите две треба да се постават кај трговскиот центар СУ-МА и на т.н. „Берза“ зад Централно-кооперативна банка.
Со поставување на катните гаражи треба да се создадат повеќе паркинг места во централното градско подрачје, за да се ослободат тротоарите и коловозите од непрописно паркираните автомобили.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk