Куманово-паркинг ќе набави уште едно пајак возило

Јавното претпријатие Куманово-паркинг годинава ќе набави уште едно возило за подигање на неправилно паркираните автомобили во градот.

Според директорот Фадиљ Шабани, зајакнувањето на капацитетите на пајак службата е со цел да се воведе поголем ред во сообраќајот.

„Претпријатието има потреба од уште едно возило, бидејќи ова што го имаме е од 1987 година. Веќе започнавме преговори со службата од Град Скопје за изнајмување на едно возило, а се надеваме дека до средината на годината ќе купиме и ново возило“, - вели Шабани.

Тој вели дека акцијата Нулта толеранција за неправилно паркирање дала резултати, и најавува дека ќе продолжи и во наредниот период.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk