Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово се приклучива на мрежата на зелените градови на Европската банка за обнова и развој (ЕБОР), откако вчера градоначалникот на Куманово, Максим Димитриевски и Сузан Горансон, директорка за инфраструктура за Европа, потпишаа Меморандум за соработка.
„Ќе ги следиме искуствата на нашите збратимени градови Бања Лука и Нови Сад, кои имаа долгогодишно искуство со имплементација на овие проекти. Прво ќе направиме скенирање на јавните објекти во градот, конкретно училиштата, за да аплицираме со проекти за енергетска ефикасност и гасификација на училиштата. Се надевам дека овие проекти ќе се реализираат во наредните две години“, - изјави Димитриевски.
Соработката треба да му помогне на Куманово да ги идентификува и адресира предизвиците за животната средина – цврстиот отпад и рециклирањето, централното греење, третманот на отпадни води и урбаниот транспорт со цел да се намали локалното загадување, да се подобри енергетската ефикасност и ефикасноста на ресурсите, како и адаптација на климатските промени.
Сузан Горансон, вели дека нивната цел е да финансираат до 100 зелени градови и да се осврнат на предизвиците со климатските промени.
Во Македонија во мрежата на зелените градови на Европската банка за обнова и развој, досега се приклучи само градот Скопје.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk