Куманово со шестмина пратеници во идниот парламентарен состав

Според резултатите од аналитичките центри на партиите, дури шестмина пратеници од Куманово ќе седнат во пратеничката фотелја. По двајца од коалициите на СДСМ и ВМРО-ДПМНЕ, и по еден од ДУИ и Алијансата на Албанците.

Од втората изборна единица во идниот парламентарен состав ќе влезат седумина пратеници од Коалцијата „Можеме“ предводена од СДСМ, исто толку - седум од Коалицијата „Обнова на Македонија“ на ВМРО-ДПМНЕ и по тројца од ДУИ и коалицијата на Алијансата на Албанците, дознаваме од општинските ограноци, бидејќи се` уште нема официјални податоци од ДИК за распределбата на мандатите.

Според резултатите од аналитичките центри на партиите, дури шестмина пратеници се од Куманово, кои ќе бранат интересите на градот.

Од коалицијата на СДСМ идни пратеници ќе бидат носителот на листата во ИЕ2 досегашниот технички премиер Оливер Спасовски и претседателот на општинската организација Мартин Костовски.

Од коалицијата ВМРО-ДПМНЕ во парламентот ќе партиципираат Иван Стоилковиќ претседател на ДПСМ и Бране Петрушевски претседател на општинскиот комитет на ВМРО-ДПМНЕ.

Од ДУИ место обезбеди носителот на листата во ИЕ2 Арбр Адеми, досегашен министераза образование и Елми Азири од Алијанската за Албанците.  

Партиите коишто ќе формираат Влада, ќе повлечат дел од пратениците во извршната власт и постои шанса уште некој од кандидатите да добие мандат во парламентот.

(С.Н.)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk