„Кумановска пивтијада“ по 24. пат ќе се одржи во ресторан Грација

Традиционалната гастрономска манифестација „Пивтијада“ утре по 24.пат ќе се одржи во ресторан „Грација“ во Куманово. 

Манифестацијата ќе започне во 12 часот, по што ќе следува дегустација на пивтиите и културно-уметничка програма.

„Имаме пријавено десетина учеснички кои ќе готват пивтии, но новина е што оваа година натпреварот ќе биде ревијален. Тие ќе ги изложат своите маси со традиционалните јадења, кои обично се подготвуваат за празникот Водици. Идејата ни е да ја промовираме пивтијата како наше зимско традиционално јадење, и да се пренесе овој специјалите на младите генерации. За сите гости ќе бидат послужени пивтии и гравче“, кажа Влајко Стојчевски, сопственик на ресторанот и еден од организаторите на манифестацијата. 

Кум на годинешната манифестација е КУД „Панче Пешев“, а  кумството ќе се предаде на новиот кум за наредната година.

Манифестацијата се организира во соработка на здружението Еко Гард, а под покровителство на Општина Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk