Кумановски акцијаши ќе го чистат ѓубрето од реките

 Кумановски акцијаши наскоро ќе започнат со реализацијата на еко-проект „Зелено Куманово“, со кој ќе се уреди крајбрежјето на реките Липковка, Куманова и Коњарка.

Акцијата ќе трае три месеци, а ќе учествуваат повеќе од 100 волонтери од земјава и странство.

„Проектот предвидува сечење на зараснатите дрвја и грмушки во коритата на реките Липковка и Кумановка, и во широчина по два метри од двете страни, потоа чистење на реките од натрпаниот смет во должина од расадникот на Шумско стопанство во населбата Бедиње до Кумановска бања. Во рамки на проектот е и обнова на сите клупи во Стариот градски парк и на Градскиот кеј“,- изјави Јусуф Љатифи, претседател на Кумановски акцијаши.

Проектот финансиски е подржан од Цивика Мобилитас, а ќе се реализира со подршка на Општината Куманово и ЈП „Чистота и зеленило“.

По завршување на проекот Кумановски акцијаши ќе организираат викен акции за одржување на чистотата на реките, кои сега се наоѓаат во катастрофална состојба.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk