Зачленете се во нашиот клуб на читатели и најновите текстови ќе ги добивате на вашата мејл адреса
Нови четворица судии се избрани за Основен суд Куманово на вчерашната седница на Судскиот совет.
Новозбрани се: Натали Бојковиќ -Колев, Бехар Амети, Арефат Весели и Арменд Мехмети, сите произлегуваат од Академијата за судии и јавни обвинители.
Со изборот на новите судии ќе се намали недостатокот на судии во Кумановскиот суд.
„Со новите судии ќе бидат вкупно 22, со што ќе се растеретат постарите колеги. Моментално работат само 15, но најдоцна за еден месец би требало да се нормализира работната динамика“, велат од судот.
Според систематизацијата во Основен суд Куманово потребни се 34 судии, но познавачите тврдат дека тоа е по стара систематизација и дека е потребно да се изработи нова. Генерално се очекува до крајот на годината да се постигне поголема ефикасност на судот.
Во судот има и недостаток од дактилографки, како и информатичари и архивари.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk