Зачленете се во нашиот клуб на читатели и најновите текстови ќе ги добивате на вашата мејл адреса
Специјалистите од Општа болница Куманово од денеска го радикализираа штрајкот. Ќе работат само интерната и хируршката амбуланата, ќе се примаат само итните случаи, додека останатите амбуланти нема да работат.
Две третини од специјалистите во оваа установа го поддржуваат штрајкот, кој го иницираа скопските клиники.
- Ние од прв ден штрајкуваме. Работат само докторите за итни случаи, ниту еден пациент не е вратен кој дошол да побара лекарска помош. Сите се прегледани и каде што ќе се утврди дека постои витално загрозувачка состојба, тој пациент се третира, се хоспитализира и се оперира. Сите други се препорачува да одат до матичните лекари. Упатуваме една молба до пациентите, да не разберат, да не поддржат, бидејќи ова што го правиме е за нив. Пациентите не се бројки, не се предмети. Ние сме лекари, но некогаш и ние сме пациенти - вели Билјана Анастасовска, претседател на локален штрајкувачки одбор.
Лекарите велат дека медиумите не известуваат за штрајкот и со тоа надлежните се обидуваат пациентите да ги свртат против лекарите. Кумановските специјалисти штрајкуваат 13 дена по ред. Барањата се да се покачат платите и да укине плаќањето по учинок.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk