Кумановските пчелари на саем во Белград

Дваесетина кумановски пчелари во сабота организирано ќе посетат меѓународен пчеларски саем во Белград, соседна Србија.

На саемот ќе бидат изложени мед, пчелни производи, опрема, ќе има предавања и слично. Од пчеларското друштво “Пчела“ велат дека секоја година го посетуваат овој саем бидејќи има што да се види.

Ќе се запознаеме со новитетите кои се поврзани со одгледување на пчели како и препарати. Ќе има предавања од српски врвни предавачи и предавач од Италија. Ние ги одржуваме тие контакти и пријателски односи со друштвата од Србија, а од некои имаме и понуда за збратимување - вели Часлав Ристовски, претседател на „Пчела“.

Членовите на „Пчела“ неколку пати годишно посетуваат саем за пчеларство во странство.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk