Зачленете се во нашиот клуб на читатели и најновите текстови ќе ги добивате на вашата мејл адреса
Млада жена од Куманово вчера била нападната од едно лице, кое се претставило дека е вработен како инкасатор во кабелска телевизија.
Во тој момент наишол нејзиниот сопруг и настанала физичка пресметка, по што натрапникот почнал да бега. Додека трчал му испаднал пиштолот што го носел со него.
Вчера во 12.37 часот во СВР Куманово, З.М.(33) од Куманово пријавила дека околу 12.27 часот во нејзиниот дом била нападната од едно лице.
„Според пријавеното, лицето се претставило дека е од кабелска телевизија и побарало да наплати сметки, а кога таа влегла да побара пари лицето ја нападнало. Како што е пријавено, за неколку минути дошол нејзиниот сопруг и започнале физичка пресметка со лицето, кое потоа се дало во бегство и при тоа му испаднал пиштол. Увид на местото извршила екипа од СВР Куманово, а пиштолот бил подигнат за вештачење. Се преземаат мерки за расчистување на случајот“, соопштува МВР.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk