Лажна вест е дека дете е грабнато од центарот на градот, информира Кумановската полиција

Нема случај на грабнување на дете во Куманово, информираат од СВР Куманово.  Од таму велат дека  лажна вест е информацијата за грабнување на дете во самиот центар на градот, поточно во близина на црквата „Св.Никола“, што неодговорни поединци ги шират на социјалните мрежи.

„Секторот за внатрешни работи Куманово најостро ги демантира дезинформациите и лагите за обид за грабнување на дете во самиот центар на градот поточно во близина на црквата „Св.Никола“, што неодговорни поединци ги шират на социјалните мрежи. Ваков случај нема ниту на оваа локација ниту било каде на територијата на Секторот за внатрешни работи Куманово. Апелираме до граѓаните да не наседнуваат на ваквите лажни вести и дезинформации, со кои поединци сакаат да предизвикаат страв и несигурност. Да се информираат само од проверени извори на информации, - стои во соопштението од Кумановската полиција.

 Од Секторот за внатрешни работи Куманово, додаваат дека стојат на располагање за било каква информација со цел да спречи ширењето на лажни вести.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk