Лажни се пријавите за подметнати бомби во училиштата, информира Кумановската полиција

Пријавите за поставени бомби во основните и средни училишта во Куманово се лажни, утврдила проверката на специјалните тимови на МВР, соопштува полицијата.

„Направени се сите потребни проверки во осум основни училишта и еден клон, како и едно средно училиште во Куманово во врска со закани за поставени експлозивни направи и утврдено е дека станува збор за лажни пријави“, стои во соопштението на СВР Куманово. 

Оттаму додаваат дека веднаш по добиените пријави од полициски службеници се преземени мерки за безбедно евакуирање на училиштата и по извршени проверки утврдено е дека станува збор за лажни пријави.

Утринава околу 9 часот пријави по електорнска пошта за поставени бомби стигнале во основните училишта „11 Октомври“, „Бајрам Шабани“, „Браќа Миладиновци“, „Крсте Мисирков“, „Браќа Рибар“, „Јероним Дерада“, „Карпош“ – Умин Дол, „Кирил и Методиј“, „Кочо Рацин“ и гимназијата „Гоце Делчев“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk