Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово, изборната листа „Србија не смее да запре“ на владеачката Српска напредна странка (СНС) освоила 95 отсто според прелиминарните резултати од гласањето за парламентарните избори во Србија.
Граѓаните од српската заедница од Куманово вчера гласаа во Клубот на резервни воени ветерани. Претседателот на избирачкото место бр.54 Зоран Ковачевиќ, кажа дека гласањето се одвива без проблеми.
На избирачкото место бр.54 има вкупно запишани 420 избирачи. Гласале 364 гласачи, од кои 359 ливчиња се важечки и 6 не се важечки ливчиња.
Најмногу гласови 341 добила изборната листа на „Александар Вучиќ – Србија не смее да запре“, 9 гласови листата на Ивица Дачиќ, 3 гласа листата на "Србија против насилство", и по еден глас Нада за Србија, Српска радикална партија, партијата на Борис Тадиќ и на д-р Бранимир Несторовиќ.
Државната изборна комисија утрово соопшти дека изборната листа „Александар Вучиќ – Србија не смее да запре“ освоила над 47% гласови, па следуваат опозициските партии здружени во листата „Србија против насилството“ со 22,86%. На третото место е листата на Ивица Дачиќ со 6,67% гласови.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk