Љубодраг доби фудбалско игралиште

 Во селото Љубодраг денеска  беше пуштено во употреба ново фудбалско игралиште.

 Наскоро игралиштето ќе добие и спортска опрема и ќе биде осветлено. Овој спортски терен ќе го користат децата од ОУ“Карпош“ во село Љубодраг и месното население. Лентата ја пресече првиот човек на Општината градоначалникот Зоран Дамјановски.

 Направивме повеќе од десет игралишта, направивме три спортски сали, направивме атлетски полигон, завршува најголемиот објект, затворениот и отворен базен и се она за кое Куманово имаше потреба со децении. Овој проект е дел од таа агенда. Ви посакувам дружба, рекреација, а се надевам дека ќе никнат големи таленти и големи имиња кои ќе излезат од овде како што имаше познати фудбалски имиња од овој дел - изјави Дамјановски.

Градоначалникот вели дека во последниве три години се вложува многу во спортот, во врвните клубови и во градење на рекреативни терени. Директорот на ОУ“Карпош“, Владимир Јовановиќ објаснува дека во ова село миграцијата е запрена.

Оваа година имаме 14 првачиња, а лани имаше 20. Варира таа бројка. Одделенските наставници кои се овде, бидејќи има настава до петто одделение, ќе го користат на часови по физичко игралиштето. Месното население за турнири оди во соседното село Уминдол. Сега нема да има потреба од такво нешто. Ова село има 700 куќи - додава Јовановиќ.

За изградба на фудбалското игралиште досега општината инвестираше 1,3 милиони денари.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk