Локалните избори во октомври?

 Локалните избори да се одржат во првата половина на октомври 2017 година, начелно било договорено на координација кај претседателот на Собранието Талат Џафери, на која присуствувале претставници на СДСМ и коалицијата, на ДУИ, на БЕСА, Алијанса за Албанците и на ДПА.

„Партиите се договорија да постигнат договор за донесување на Предлог-закон за изменување и дополнување на Изборниот законик, со кој одржувањето на локалните избори ќе биде предвидено за првата половина на октомври. Мандатот на сегашните градоначалници и советници ќе биде продолжен до изборот на новите членови на советите и градоначалниците. Исто така, претседателот Џафери беше известен дека партиите се согласуваат расправата по предлог-законот да биде ефикасна и да се исклучи секаква можност за нејзино непотребно одолжување“, се вели во соопштението од кабинетот на Џафери.

На кординацијата немало претставник на ВМРО-ДПМНЕ и коалицијата.

Џафери очекува во краток рок партиите да постигнат договор за формирање на работните тела на Собранието, заради измените на Изборниот законик бидат донесени согласно деловничките процедури.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk