Зачленете се во нашиот клуб на читатели и најновите текстови ќе ги добивате на вашата мејл адреса
Концертот на победниците на "Rock’n Pop the Borders" се оддржа синоќа на Градскиот плоштад во Куманово.
Кумановци уживаа во музиката на "Problem Solved", "TV Range","Визија" и "Polemique" од Македонија, а од Бугарија настапија бендовите "Enkhaosment", "Chainsaw Babieс", "Bunch of Assholes".
Рок спектаклот е дел од завршната манифестација на проектот, финансиран преку преку ИПА од Програмата за прекугранична соработка помеѓу Бугарија и Република Македонија кој го реализираат "Регионален центар за одржлив развој" од Кратово и "Партнери - Дупница" од Дупница, Бугарија.
"Овие бендови се натпреваруваа за избор за најдобра авторска песна за млади бендови од Бугарија и Македонија. На оваа манифестација и претходеа повеќе активности, меѓу кои и основање на веб платформа на која што заинтересираните бендови можеа да се регистрираат, по што следеше онлајн гласање"- рече Јасмина Давитковска од "Регионален центар за одржлив развој" од Кратово.
Целта на проектот е промоција на младите автори на рок и поп музиката во двете земји.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk