Зачленете се во нашиот клуб на читатели и најновите текстови ќе ги добивате на вашата мејл адреса
Советникот на СДСМ Максим Димитриевски најверојатно ќе биде новиот претседател на Советот на Општина Куманово, откако досегашниот Виктор Цветковски ќе биде сменет од функцијата на наредната седница што ќе се одржи на почетокот на октомври.
Советниците на СДСМ со коалиционите партнери веќе поднеле барање за одржување на седницата на која ќе биде предложена смена на Цветковски и назначување на нов претседател. Цветковски на седницата ќе има можност сам да си поднесе оставка или по расправа во Советот ќе се гласа за негова смена.
Неофицијално дознаваме дека советничката група на СДСМ и градоначалникот Зоран Дамјановски мината недела одржале состанок со советничката група на ДУИ за да обезбедат мнозинство, по откажувањето на послушноста на дел од советниците блиски до Цветковски.
Извор од партијата вели дека Димитриевски добил подршка од централата во Скопје и сигурно ќе го води Советот до крајот на мандатот и покрај тоа што во изминатиот период беше лут противник на градоначалникот и јавно ја критикуваше неговата работа, особено на промоцијата на Дамјановски за уште еден мандат. Тој беше воздржан во Советот и кога се гласаше за одлуката за приватизација на Куманово-гас.
Со негово назначување партијата сака да „купи„ мир и да го спречи понатамошното разединување и одлевање на членството од огранокот до локалните избори, особено по исклучувањето на Цветковски. Голем дел од актуелното раководство не е задоволно од изборот- вели нашиот соговорник.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk