Зачленете се во нашиот клуб на читатели и најновите текстови ќе ги добивате на вашата мејл адреса
Актерот на Кумановскиот театар, Марко Трајковиќ, ја доби наградата за најдобра машка улога на Интернационалниот фестивал на античка драма – ИФАД „Стоби“ 2025.
Жирито во состав: Јордан Витанов, Кристина Атанасова Арсова и Фаик Мефаилоски, со едногласна одлука ја додели наградата за неговата интерпретација на насловниот лик во претставата „Калигула“ на Кумановскиот театар.
Во образложението се наведува дека Трајковиќ „ја толкува сложената фигура на Калигула со извонредна психолошка длабочина и интензитет“. Неговиот настап, како што истакна жирито, ја открива тенката линија меѓу лудилото и апсолутната моќ, претворајќи ја класичната драма во современо размислување за човековата природа и општествените механизми на контрола.
Фестивалот „ИФАД Стоби“ уште еднаш потврди дека античката драма е бескрајно актуелна и дека новите генерации театарски творци знаат како да ѝ дадат свеж, силен и човечки глас.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk