Зачленете се во нашиот клуб на читатели и најновите текстови ќе ги добивате на вашата мејл адреса
Поголема група на маскирани лица со дрвени палки нападнале и претепале момче на ул.„Доктор Рибар“ во Куманово.
Нападот се случил 30 минути по полноќ, додека двајца браќа си враќале дома. Тогаш се појавила групата напаѓачи со палки во рацете, по што еден од браќата почнал да бега. Насилниците го стигнале другиот брат и почнале да го удираат во пределот на телото и главата. Тој успеал да побегне кон куќата, а другиот се јавил во ПС-Куманово. Полициски службеници ги забележале напаѓачите, кои ги фрлиле дрвените палки и се дале во бегство. Во 00.35 часот од слобода е лишен Н.М. (21) од Куманово. Повредениот веднаш бил пренесен во ОБ-Куманово за укажување на лекарска помош. Увид на местото на настанот извршила екипа од СВР-Куманово. Се преземаат мерки за целосно расчистување на случајот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk