Масовно се палат стрништа - вчера 11 пожари во повеќе кумановски и липковски села

11 пожари на отворено на запалена сува трева и стрништа се регистрирани вчера во повеќе кумановски и липковски села. Од Центарот за управување со кризи информираат дека првите пријави ги добиле претпладне, а интервенирале речиси до полноќ. 

Неколку пожари се повторувале во атарот на селата Табановце, Речица, Лојане и Ваксинце. Пожари имало во Никуштак, Стари лозја, Табановце, Речица, во близина на царинскиот терминал Детоил, во Ваксинце во близина на резервоарите на Макпетрол, на автопатот Куманово-Табановце кај бензинската пумпа Еко Петрол, во близина на железничката станица во Речица. Сите пожари се изгаснати.

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk