Метален столб падна на билборд

Метален столб од електрично осветлување падна на билборд на крстосницата на улиците „Гоце Делчев“ и „Трета МУБ“ во центарот на Куманово.

Според очевидци столбот паднал откако жиците од телефонска и кабловска инсталација ги закачил и ги повлекол камион што се движел по улицата. Тоа го изместило од лежиштето и го кутнало, но за среќа го задржал билбордот без да повреди некој.

„Екипите се на терен и работат на подигање на столбот. При крај се со работата и ќе го вратат столбот во првобитната положба, - изјавија надлежните.

Сообраќајот во овој дел од Куманово е во прекин  oд 16:10 часот и се врши пренасочување.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk