Зачленете се во нашиот клуб на читатели и најновите текстови ќе ги добивате на вашата мејл адреса
Мигрант од Алжир е повреден на железничката станица Табановце откако го удрила струја додека се качувал на вагон.
Повредениот со сериозни изгореници по телото пренесен е во Ургентниот центар Скопје и задржан на понатамошно лекување.
Несреќата се случила вчера во 8.10 часот, спроти кампот за мигранти на железничката станица Табановце. На третиот колосек, во вагон на товарен воз се криеле 4 мигранти, кои илегално влегле во државата и сакале да ја поминат македонско-српската граница. Додека се качувале на цистерната Е.У., од Алжир, со маталениот дел од патентот на ранецот допрел високонапонски кабел од 25.000 волти. Тогаш го фатила струја и се здобил со изгореници по рацете, нозете и стомакот. Откако се вклучила сигнализацијата на станицата и се почувствувал мирис на изгорено тело, на помош притрчале екипи од Црвен крст од транзитниот центар Табановце. На повредениот му укажале прва помош и со возило го пренеле во Кумановската болница. Поради сериозноста на повредите, изгореници од 2 и 3 степен, Алжирецот бил префрлен на Скопските клиники.
Луѓе од транзитниот центар велат дека мигрантот имал среќа што останал жив, бидејќи доколку високонапонската жица ја допрел со телото, на место ќе изгорел.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk