Милетиќ не го признава новиот претседател Величковиќ

Драгиша Милетиќ го смета за нелегитимен изборот на Ване Величковиќ за нов претседател на Српска напредна партија на конгресот во Куманово.

Се знае кој е легитимен. Не може некој да биде легален ако не е потпишан пред надлежните институции. Не може на некого да му текне и да стане ВМРО - ДПМНЕ или СДСМ - изјавил Милетиќ на прес-конфернција во Скопје.

Величковиќ го повикува Милетиќ да го врати печатот и целокупната документација на партијата наместо да прави циркус во јавноста и да го руши имиџот на партијата.

Милетиќ да престане да се занимава со политиканство и да не етикетира дека сме платеници на СДСМ. Сите обвинувања ќе мора да ги докаже на Суд и да понесе одговорност заради нарушување на угледот на партијата- изјави Величковиќ.

Тој додаде дека вчера ги доставил документите за промена на претседателот на партијата и за овластување на лице за матерјално финаскиско работење во Скопскиот суд и очекува брза разрешница на новонастанатата состојба.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk