Зачленете се во нашиот клуб на читатели и најновите текстови ќе ги добивате на вашата мејл адреса
Утревечер на Градскиот плоштад Куманово во 19 часот ќе започне осмиот по ред „Рома труба фест 2013„.
Фестивалот ќе го отвори фолк-пејачката Милица Кузмановска која ќе ја отпее химната на Ромите „Џелем, Џелем„.
Специјални гости на вечерта ќе бидат Милица Кузмановска и Христијан Азировиќ од Бојник, Србија, кој е овогодишен победник на Гуча 2013. Програмата ќе трае три часа а ќе се натпреваруваат најквалитетните оркестри од земјва и регионот. Се надевам дека публиката ќе ужива во звуците на трубата како и предходните години.- вели Самет Салиовски, уметнички директор на фестивалот.
На манифестацијата ќе учествуваат оркестрите: “ Џамбо Агушеви“ и “Млади Агушеви“ од Струмица, “Левис“ од Виница, “Уска Кан Кантуров“ од Берово, “Сергин Дурмишев“ од Штип. Гости на вечерта ќе бидат пејачот Нино Величковски, Феруз Мустафов, и најдобриот трубач од Џамбо Агушеви. Од Србија доаѓаат гостите : оркестар “Бојан Ристиќ“ од Владичин Хан и оркестар “Елвис Бајрамовиќ“ од Бојник.
Оркестрите ќе се натпреваруваат за избор на најдобар тапанар, трубист, тубист, баритонист и најдобар оркестар.
Организатор на настанот е Ансамблот на народни ромски игри и песни “Рушит Шакир“ Куманово, а покровители се градоначалникот и Советот на Општина Куманово.
(фото архива)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk