Зачленете се во нашиот клуб на читатели и најновите текстови ќе ги добивате на вашата мејл адреса
Стотина млади Албанци денеска протестираа против апсењето на осомничените за убиството кај Смилковско езеро.
По пладневната молитва во џамијата, повозрасните верниците си заминаа, а само мала група се собра и тргна кон центарот на Куманово. Стигнаа до Основниот суд Куманово, каде беа пресретнати од полициски кордон кој им го попречи натамошното движење.
Младите скандираа “Етничка Албанија“, “Ние не сме терористи“, “Јанкуловска убиец“, додека повозрасните меѓу нив ги смируваа и не дозволуваа ситуацијата да ескалира. Велат дека спонтано се собрале за да го изразат незадоволството од политички монтираните процеси. Сметаат дека осомничените не се виновни за убиството што на Велики петок се случи на Смилковското езеро каде загинаат петмина Македонци.
Дајте Јанкуловска нека решава економија, а не да измислува филмови и сценарија. Луѓето ако имаат доручек, немаат вечера, а тие поставуваат партиски луѓе, па нека постават професионалци што ќе го решат процесот. Не може министерката да кажува “јас мислам“, “јас верувам“. Тоа се емоции, не се факти. Од кога било проблем ако се најде исламска литература кај верник? Тоа не значи дека се терористи - изјави еден од присутните.
Протестантите носеа албански знамиња, но имаше и знаме на Европска Унија. Протестот траеше 15 минути, а толпата мирно се размина.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk