Зачленете се во нашиот клуб на читатели и најновите текстови ќе ги добивате на вашата мејл адреса
Мирослав Крстевски, претседател и уметнички раководител на КУД “Панче Пешев“, од 21 до 26 октомври, учествуваше на 44-от светски конгрес на ЦИОФФ - фолклорни ансамбли, култура и традиција во Бауцен, Германија.
“На овој конгрес беа разгледани повеќе прашања од областа и работата на ЦИОФФ организациите и УНЕСКО. Беа воспоставени повеќе контакти со многу земји од светот од ЦИОФФ организациите. Учеството на овој конгрес отвори големи можности за соработка во областа на културата и други дејности. Го претставив друштвото од кое доаѓам и на тој начин беше презентиран нашиот град и нашата држава“ - објаснува Крстевски.
Крстевски бил во својство на генерален секретар на Сојузот на фолклорните ансамбли на Македонија (ЦИОФФ за Македонија) и се сретнал со претставници од Црна Гора, Словенија, Русија, Италија, Шпанија, Бугарија, Турција и други држави.
На светскиот конгрес учествуваа 156 делегати од над 90 земји.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk