Зачленете се во нашиот клуб на читатели и најновите текстови ќе ги добивате на вашата мејл адреса
Еден пешак загинал, а друг бил повреден откако двајцата биле прегазени од автомобил управуван од млад возач, синоќа во селото Липково.
Според полицијата, сообраќајката се случила во 21.10 часот на локалниот пат село Слупчане – Куманово.
Автомобил „бмв“ со кумановски регистерски таблици, управуван од Р.З. (21) од селото Липково удрил во пешаците Ф.Д.(34) и Б.Д.(39), двајцата од селото Слупчане.
Од ударот Б.Д. се здобил со тешки повреди и починал на пат кон болницата во Куманово. Пешакот Ф.Д. бил полесно повреден.
Јавен обвинител и екипа од СВР Куманово извршиле увид, а по наредба на Јавен обвинител телото на починатиот е предадено за обдукција.
Се работи на целосно расчистување на случајот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk