Mлади истражувачи од „Наце Буѓони„ со две први награди

02.05.2012 13:56 | KumanovoNews

 Учениците од техничкото училиште „Наце Буѓони„ освоија две први места во категориите машинска техника и електротехника со електроника на 48-от државен натпревар на “Mлади истражувачи„ во Берово, што го организираше Народната техника на Македонија.

Mлади истражувачи од „Наце Буѓони„ со две први награди

Бојан Таневски од IV година машинска и Милан Зафировски од III година електротехничка насока, покажаа најдобри резултати во дисциплините во кои се натпреваруваа.

 Таневски под водство на менторот Златко Гиновски се претстави со својот научен труд “Хирдаулична роботска рака” и освоил прво место со 92 поени, додека Зафировски со менторот Виктор Михајловски го презентирал научниот труд “3-Д Дисплеј (лед коцка)” и освоил прво место со 97 поени. Во изработката на коцката учествувал и ученикот Дарко Стојковски кој за време на натпреварот во Берово се ангажирал за други потреби на училиштето.

 Наградените и нивните професори најавуваат учество на уште неколку наптревари по разни насоки, и очекуваат вредни награди и успеси за нив и училиштето.

Натпреварувањето на “Mлади истражувачи„, е подржано од Министерството за образование и наука на Р.Македонија.

                                                    М.Г.


Advertisement

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk