Момче се бори за живот, откако паднало од Живкова карпа

Д.К. облеан во крв го пронашол случаен минувач, кој веднаш повикал Итна помош. Поради скршеници на ребрата средношколецот бил пренесен во Ургентниот центар во Скопје

Седумнаесетгодишнио Д.К. од Куманово, вчера попладне е пронајден во безсознание на патот кај Кумановска бања во населбата Проевце. Момчето облеано во крв го пронашол случаен минувач, кој веднаш повикал Итна помош. Поради сериозноста на повредите, скршеници на ребрата средношколецот бил пренесен во Ургентниот центар во Скопје, каде се бори за живот. Од полицијата се сомневаат дека момчето паднало од м.в.„Живкова Карпа„,од 30 метри височина, но дополнително ќе откријат дали станува збор за несреќен случај, обид за убиство или самоубиство.

Жителите од околкните куќи не слушнале за случајот, но кажуваат дека на „Живкова Карпа„, постојано доаѓаат млади луѓе, кои остануваат по цела ноќ, при тоа недолично се однесуваат и создаваат врева. Пред неколку години од високата карпа, скокнало ено момче кое не преживеало.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk