Зачленете се во нашиот клуб на читатели и најновите текстови ќе ги добивате на вашата мејл адреса
Од понеделник 23 јануари започнува второто полугодие од учебната 2022/23 година со физичко присуство за сите ученици, поради што од Министерството за образование и наука (МОН) апелираат сите училишта да се пријават за субвенционирана струја.
Владата одлучи зимскиот распуст да го продолжи од 18 до 23 јануари, поради заштита на здравјето на учениците и заштеда на електрична енергија за греење.
„Со оглед на тоа што дел од јавните основни и средни училишта сè уште ја немаат искористено поволноста за снабдување со субвенционирана електрична енергија, апелираме до раководствата на образовните установи и општините како нивни основачи, да ја реализираат оваа можност. Со тоа, училиштата ќе ги намалат трошоците за електрична енергија и ќе се овозможи непречено одржување на настава со физичко присуство до крајот на учебната година. Одговорноста на секој чинител во реализацијата на воспитно-образовниот процес придонесува за повисок квалитет на образованието“, соопштува МОН.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk